Aspeitu Baziku iha "Revizaun Literatura/Literature Review"

REVIZAUN LITERATURA

 By: dr.Marcelo Amaral Mali

Definisaun báziku

“Sumariu, sinteze , evaluasaun no aprezentasaun  kona ba evidensia sira ne’ebe autor balu hakerek ona relasiona ho tópiku partikular ruma”   Iha  modalidade lubuk ida kona ba revizaun literatura maibe jeralmente  fahe ba rua, ba dahuluk  mak “revizaun literatura hanesan parte husi projetu ruma-teze-investigasaun” & ida daruak mak “Revizaun Literatura hanesan metodolojia peskiza”(ej:systematic review, semi-systematic, nst. Maibe iha biban ida ne’e autor hakerek liu kona ba “revizaun literatura hanesan parte husi projetu ruma hanesan teze ka kualker investigasaun ruma.  

 Iha faze saida mak sei halo Revizaun literatura? Revizaun literatura diak liu tenki halao wainhira ita hahu hanoin kona ba problema ka tópiku ruma ne'ebe  atu investiga.

Objetivu husi revizaun literatura

•  Atu hatudu kompetensia sientífika relevante ho problema ne’ebé atu investiga, ne’e katak revizaun literatura sei hasae kompetensia(hanoin, ideiea)  sientífika autor nian kona ba problema ne’ebé autor ne’e atu investiga.
• Identifika lakunas iha investigasaun sira ne’ebé iha ona, signifika revizaun literatura sei ajuda autor identifika lakunas (gaps) iha estudu/peskiza relevante  sira ne’ebé autor seluk halao uluk ona, nune'e mos evalua nia  nia rezultadu, hodi nune’e bele ajuda formula pregunta sientífiku ne’ebé relevante ho obejtivu planeadu.
• Evalua no sintetiza. Evalua evidensia hirak ne’ebé iha no sintetiza ka lori mai iha kontestu real  husi problema ne’ebé ita atu investiga dadaun hodi nune’e bele fo razaun ka justifikasaun diak ba peskiza ne’ebé atu halao.

 Skill ne’ebé persiza para atu halo revizaun literatura ho diak

1.     Abilidade atu buka literatura eletróniku buku, artigu sientifiku, journals no publikasaun sira iha domain publiku sira ne’ebe eziste hanesan Pubmed, Google scholar, BMJ, BMC, The lancet nst. No bele mos manual iha biblioteka sira ka iha insititusaun relevante sira.
2.       Abilidade atu fo hanoin kritiku(critical thinking) ba iha literatura ka evidensia  sira ne’ebé eziste.

 

  Iha revizaun literatura persiza hare’e didiak kestaun hirak tuir mai ne’e :

•  Revizaun laos deit halo sumariu maibe sintetiza rezultadu peskiza sira sira ne’ebe iha  armoniza no konekta ba ita nia hipoteze ka pregunta investigasaun iha ita nia planu peskiza. ( No copy & paste).
•   Sintetiza informasaun hirak ne’e atu  fo  ideia ruma kona ba buat sa(refere ba problema sientífiku) mak responde ona no saida mak seidauk iha  resposta.

 

Benefisiu husi revizaun literatura

Fo justifikasaun no koerensia ba problema ne’ebé atu estuda ho ninia objetivu, theoritical no  conceptual framework nune’e mos koerensia ba  hipoteze ka pregunta sientífiku ne’ebe ita planteia. Revizaun Literatura ajuda autór atu bele hatene evidensia ne'ebe iha ona relasiona  ho problema ne’ebe nia atu investiga no hasae mos kapasidade atu iha ideia no  hanoin kritiku liu tan.